-->
Modus Telepon
Kahade lamun aya nu nelepon ngaku2 dulur, terus ke menta tulung keur urusan jeung polisi, terus menta bantuan, bisa macem2. Kabeneran nu nelepon ka kuring mah mentaganti ku cara ngeusiankeun pulsa. Asa aneh sih.
Caritana kieu :
Harita the beres solat Jumaahan ngecek henpon da keur solat ngahaja di-silent. Ari pek the aya 2 misscall ti nomer aneh. Da bisi ay aperlu disms we, “maaf tadi lagi Shalat. Ini Siapa?”
Kurang ti Sa jam ti saprak harita, persis beres dahar, di tukang lotek hareupeun kantor jeung bababturan sa ruangan, nomer nu tadi the nelepon.
Kuring : “Halo, Asssalamualaikum”
Mr. X : “Maenya teu kenal?”
Kuring : “Teu jelas, saha ieu?”
Mr. X : “Aeh maenya teu apal keneh kana sora ieu?”
Kuring : “Saha atuh? Mang Awa?”
Mr. X : “Enya. Meni teu apal ka sora urang teh.”
Kuring : “Ngerebek soantena. Sinyalna awon panginten.”
“Aya kersa naon mang?”
Mr. X : “Ieu yeuh amang keur kamusibatan, nabrak jalma di Plered, ayeuna di Polsek.”
Kuring : “Gening kumaha caritana.”
Mr. X : ”Puguhan ge, ayeuna keur bingung, urusan jeung polisi. Nu ditabrakna dirawat.“
Kuring : “Emang parah kitu? Dirawat dimana? Rumah Sakit?”
Mr. X : “Enya dirawat beak 800.000 tapi amang ngan mawa 500.000 kurang 300.000 deui, cikan lah tulungan amang, kasaha deui menta tulung ari lain ka dulur mah.”
Rada ngahuleng, naha ujug-ujung menta bantuan duit? Tara ti sasarina mang Awa menta duit. Lainna aya keneh dulurna? Jaba ngobrolna rada kasar kieu. Kusabab pansaran, bari hate mah yakin ieu mah rek meres, ah diteruskeun we sakalian meakkeun pulsa nu rek meres.. :D
Kuring : “Duh kumaha nya da abi teu di Purwakarta deui di Cimahi ayeuna mah. Paling mun tiasa ge ditransfer.”
Mr. X : “Tulungan lah, ieu ngan aya 500, kurang 300 deui jang ngagantian ka Polisina. Yeuh geura ngobrol jeung polisina.”
Hmmm… asa ku bageur polisi daek ngagantian heula duit pengobatan 800.000. Terus teleponna dibikeun ka polisi.
Mr. Y : “Selamat siang! Dengan siapa saya bicara?”
Kuring : “Budi Pa.”
Mr. Y : “Ini betul dengan saudaranya mang away?”
Kuring : “Betul!?” Bari ragu ngajawabna.
Mr. Y : “Ini saudara anda menabrak orang sekarang ditahan di Polsek.
Kuring : “Terus”
Mr. Y : “Sekarang orangnya dirawat dan habis 800.000 kurang 300.000 bagaimana ini kalau tidak segera dibayar bisa ribet dan diurusin ke Polres.”
Kuring : “Wah saya sekarang tidak di Purwakarta Pa.”
Mr. Y : “Ya udah gini aja, isiin pulsa nomer saya 300.000, bagaimana? Daripada nanti diterusin ke Polres bisa habis minimal 2juta.”
Tah di dieu mulai curiga teh beuki jelas. Mana aya urusan polisi menta pulsa??
Kuring : “Sebentar, jadi saya suruh isi pulsa? Ke nomer mana pak? “
Mr. Y : “Ke nomer saya.”
Kuring : “Terus ini nomer siapa? Nomor Bapak atau saudara saya?”
Mr. Y : “Ini nomernya away.” (kadengena awa)
Kuring : “Ooo”
Kusabab curiga, cobaan dipancing nu nelpon ngakuna saha, niatna ke ditanyakeun ka dulur nu polisi. Sugan apaleun.
Kuring : “Maaf ini dengan Bapak siapa?”
Mr. Y : “Dadang, saya Dadang”
Luring : “Dari kesatuan mana Pak?”
Mr. Y : “Saya dari Polantas, tadi sedang melintas. Saudara anda menabrak orang, saya tahan sekarang di Polsek Padalarang.”
Halah ieu kumaha caritana kajadian di Plered, ditahan di Padalarang, nu ay age Paling deukeut perbatasan Purwakarta mah Cikalong wetan. Jajauhanan ka Padalarang. Mun ti Plered, deukeutna Sukatani, Darangdan.
Mr. Y : “Jadi bagaimana? Bisa bantu? Daripada repot urusannya kalo ke POlres, ini mungpung belum datang atasan saya. Sekarang saudara anda sedang di Polsek ini, kalo ke Polres ribet lagi bisa habis 2 juta 3 juta.”
Kuring : “Sebentar pa, ini kejadiannya dimana Pak? Katanya Plered. Ko sekarang di Polsek Padalarang?”
Mr. Y : “Di perbatasan kejadiannya.”
Kuring : “Yang bener pa di Plered atau Padalarang?”
Mr. Y : “Di Padalarang bukan di Plered.”
Pindah Kanu nelepon kahiji..
Mr. X : “Yeuh sok lah bantuan amang keur pusing yeuh, lamun ka Polres mah urusanna ribet deui, kudu aya 2 juta komo.”
Kuring : “Kela mang, Amang teh dimana nabrakna? Cenah Plered, naha ayeuna di Polsek Padalarang?”
Mr. X : “Ah da tadi mah bingung teu apal desana, ayeuna mah kumaha bisa mantuan teu? Meungpeung can datang atasanna, butuh 300 deui, Maenya ka dulur teh teu mantuan. “
Kuring : “Sanes masalah etana, abi bingung ari caritana kieu mah. Mun abi aya di Purwakarta mah disusul ayeuna kadinya.”
Kuring : “Kela ari ieu teh mang Awa?”
Mr. X : “Enya? Maenya maneh teu percaya? Sok atuh geuwat tulungan amang yeuh.”
Kuring : “Ke heula nya ke ku sayah ditelepon balik. Urang ngemut heula.”
Tut tut tut teleponna putus..
Niat mah bade ngecek Bapa Dadang Gadungan ka dulur di Polres cimahi, tapi kaburu telepon asup..
Mr. X : “Halo.. kumaha yeuh? Cikan tulungan atuh. Ngan butuh 300.000 ke gem un balik digantian ku amang duitna, daripada ayeuna kudu urusan nepi ka Polres mah.”
Kuring : “Ari ngagentosana kumaha? Da abi ayeuna mah jarang uih. Iraha pendakna?”
Mr. X : “Sing percaya atuh ka amang teh. Kumaha maneh mah ka dulur teh.”
Kuring : “Cikan saya ngobrol deui jeung pulisina.”
Mr. Y : “Siang.
Kuring : “Siang”
Mr. Y : “Jadi bagaimana ini? Mau diselesaikan atau mau dilanjutin ke Polres aja?.
“Saya mau lepas jaga ini. Sebelum keburu atasan saya datang.”
“Ini benar dengan Saudara Budi kan?”
Kuring : “Betul.”
Mr. Y : “Saya tau anda kerja di Cimahi.”
Halah nya heueuh da tadi urang nu ngomong atuh…
Mr. Y : “Iya ini saudara anda sekarang mau bagaimana? Kalau tidak ada yang bertanggungjawab terpaksa diproses di Polres, nanti ribet lagi urusannya, ga cukup 2 juta. Saya sudah bantu pengobatannya dan tinggal ganti ke saya 300.000 lagi..”
Kuring : “Bayar mah gampang pa, tapi harus jelas dulu, ga asal bayar gitu aja.”
“Ini kejadiannya dimana? Plered apa Padalarang?”
Mr. Y : “Di Desa sukasari, sekarang ditahan di Polsek Padalarang. Dekat perbatasan.”
Kuring : “Jadi bukan Plered? Tadi katanya Plered.. saya bingung.”
Mr. Y : “Perbatasan pak. Jadi ini mau gimana?”
Kuring : “Kalau bayar bisa diusahakan, tapi saya harus yakin ga salah orang.”
Mr. Y : “Salah orang gimana? Orang jelas nama kamu ada di nomer ini.”
Kuring : “Masalahnya nomer itu ga ada di nomer saya? Tadi juga nelpon waktu jumatan. Emang ga solat? Itu saudara saya namanya Away atau Awa?”
Mr. Y : “Away.”
Kuring : “Away?”
Mr. Y : “Iya Away.”
Kuring : “Rumahnya dimana katanya? Soalnya Away yang saya kenal tidak seperti itu.”
Mr Y : “Jadi bagaimana? Sebelum keburu datang atasan saya.”
Kuring : “Coba balikin hp-nya sama saudara saya. Saya mau ngomong dulu.”
Mr. X : “Bud kumaha kalah siga nu teu percaya ka urang teh maneh mah.”
Manehna langsung nyedek, teu mere kasepetan urang klarifikasi heula, langsung jiga nu nyalahkeun.
Kuring : “Sanes kitu, mun bener amang away, da tara kana motor barina ge.”
Mr. X : “Puguh mobil disimpen di garasi, ieu kana motor, ari pek the kalah keuna musibat. Sok atuh bantuan amang ari karunya mah,ka saha deui menta tulung atuh. Tong seun teu digantian. Ke ge digantian.”
“Kumaha maneh mah kalah teu percaya sagala.”
Kuring : “Sanes kitu abi kudu yakin heula. Ari amang bumi dimana?”
Mr. X : “Aeh nya ari maneh. Teu percaya keneh ka dulur? Ieu amang. Mang Away.”
Kuring : “Enya sok lamun leres amang abi, jawab we atuh. Bumi dimana?”
“Mang away nu ku abi apal nyariosna teu jiga kieu. Abi rek mantuan tapi kudu yakin teu salah jalmi. Ieu mang Awa ataw Mang Away?”
Mr. X : “Eh nya eta bulak balik deui mang Away, saha deui Awa, bet teu percaya ka amang? Maenya ka dulur teu ngaku. Maenya dulur keur keuna musibat the lain mantuan kalah teu percaya sagala.”
Kuring : “Sanes teu ngaku, ke lah saya neleon kadinya we.”
Mr. X : “Nya enggeus lah ari moal ngaku mah tong nganggap dulur we sakalian.”
Kuring : “Eh sanes kitu abi teu yakin kana sora jeung sifatna. Da amang abi mah teu aya nu kieu soantenna.”
Mr.X : “Geus ah lieur aing mah lainna nulungan malah teu ngaku dulur.”
Tut tut tut tut..
Meureun kusabab teu hasil jeung kuring geus curiga, manehna neangan alesan supaya teu ngajawab pertanyaan kuring, bari semu nyalahkeun.. Akhirna telepon ditutup.
Nyacapkeun panasaran. Saya nelepon dulur, naroskeun aya teu nu namina Dadang di Polsek Padalarang, kabeneran dulur keur dines jaga di Pos Gerabang Tol Padalarang. Saperti dugaan kuring, emang euweuh nu ngaranna Dadang di Polsek Padalarang mah.
Babaturan nu tadi bareng dahar culak cileuk bari semu bingung kuanon cenah eta bangun serius ditelepon the, tapi apal kuring nanyana seseleket, manehna ulak ilik kana bilik jeung interknit. Anapokna the bisi aya kamera cenah. Naha? Bisi we si Vincent nelepon, kuring asup kana acara Upss salah!!
Tapi diilikan the euweuh kamerana.
Tah kahade ka para wargi bilih ngalaman, kedah tenang mayunana. Lumayan ngulur waktu manehna beak pulsa meureun tah eta nu nelepon teu hasil tapina.
Tadina mah rek dilaporkeun, tapi laporna kumaha? Saha nu dilaporkeunana…
Cag ah
2 comments :
Tarik nafas dalam dalam,
konsentrasi..!
kade melepes lur ah..
Post a Comment